ԳլխավորԼուր

Թբիլիսյան խճուղում 3 մեքենա է բախվել

Ապրիլի 17-ին, ժամը 08:11-ին Ճգնաժամային կառավարման ազգային կենտրոն ահազանգ է ստացվել, որ Երևանի Թբիլիսյան խճուղում տեղի է ունեցել ՃՏՊ․ կա տուժած։ Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, տեղեկացնում են Արտակարգ իրավիճակների նախարարությունից։

Պարզվել է, որ Թբիլիսյան խճուղում՝ «Լիտոկոլ Ամ Կո» ՍՊԸ-ի դիմաց, բախվել են «Toyota Platz», «Mercedes-Benz C320» և «Lada Priora» մակնիշների ավտոմեքենաները, ինչի հետևանքով վերջինս շրջվել է։

Մինչ փրկարարների կանչի վայր հասնելը, «Lada Priora» մակնիշի ավտոմեքենայի վարորդը տեղի ուժերով հոսպիտալացվել է «Միքայելյան» վիրաբուժության ինստիտուտ։

Փրկարարները հոսանքազրկել են ավտոմեքենաները, փակել գազի բալոնների փականները և սահմանազատել տարածքը։

Comment here