Լեհաստանի Բիալիստոկ քաղաքում ընթացող «Polish Open Kaliber»-ի մրցումային վերջին օրը հրաձիգները հանդես եկան անհատական պայքարում, տեղեկացնում են Հայաստանի հրաձգության ֆեդերացիայից։
Հայաստանի հավաքականի անդամ Էլմիրա Կարապետյանը որակավորման փուլում խոցեց 569 միավոր և անցավ եզրափակիչ փուլ։ Եզրափակչում նա խոշոր առավելությամբ՝ 242,3 միավորով, դարձավ մրցաշարի հաղթող։
Ավելի վաղ Բենիկ Խլղաթյան – Էլմիրա Կարապետյան զույգը 10 մետր օդամղիչ ատրճանակ միքս մրցաձևում դարձել էր մրցաշարի արծաթե մեդալակիր։
Մեր տելեգրամյան ալիքը՝ t.me/usanoghnews
