Հայտնի են Կաննի կինոփառատոնի հաղթողները

Ֆրանսիացի ռեժիսոր Ջուլիա Դյուկորնոյի «Տիտան» սարսափ–ֆիլմը, որը փառատոնի ամենասկանդալային ժապավենն էր, ստացավ գլխավոր մրցանակը՝  «Ոսկե արմավենու ճյուղը»։

«Տիտանը» պատմում է բռնության զոհի մասին, որն ականջի մեջ տիտանե սարք է կրում և սեռական ցանկություն է զգում մեքենաների նկատմամբ։

Հիմնական մրցութային ծրագրի Մեծ մրցանակը ստացան կրկնակի օսկարակիր ռեժիսոր Ասղար Ֆարհադին «Հերոսը» ֆիլմի համար և ռեժիսոր Յուհո Կուոսմանեն «Կուպե համար վեց» ֆիլմի համար, որը Ֆինլանդիայի, Էստոնիայի, Ռուսաստանի և Գերմանիայի համատեղ արտադրություն է։

Պատվավոր Ոսկե արմավենու ճյուղեր ստացնան Ջոդի Ֆոսթերը եւ 81-ամյա իտալացի վարպետ Մարկո Բելոքյոն։

Դերասաններից Արմավենու ճյուղեր ստացան ամերիկացի դերասան և երաժիշտ Քալեբ Լենդրի Ջոնսն ու նորվեգացի դերասանուհի Ռենատե Ռեինսվեն։

Ի դեպ, Կաննի կինոփառատոնում ցուցադրվեց նաև Արցախի մասին «Երբ քամին հանդարտվի» (Si le vent tombe) ֆիլմը։ Ռեժիսորն է Նորա Մարտիրոսյանը։ Ցուցադրությունը կայացել է «Օլիմպիա» կինոթատրոնում։