Ամերիկահայ հեռուստաաստղ Քիմ Քարդաշյանը գրառում է կատարել՝ քննադատելով Ադրբեջանի ագրեսիան Հայաստանի հետ սահմանին։
«Չնայած շարունակվող համաշխարհային համավարակին՝ Ադրբեջանը խախտել է գլոբալ հրադադար հաստատելու ՄԱԿ-ի կոչը՝ հարձակումներ գործելով Հայաստանի վրա։ Հայաստանում քաղաքացիական կառույցներ են թիրախավորվել, և Ադրբեջանն այժմ սպառնացել է հարվածել Հայաստանում գտնվող ատոմակայանին:
Միևնույն ժամանակ, հաջորդ շաբաթ փոփոխություններ են լինելու Ազգային պաշտպանության ակտում՝ երաշխավորելով, որ ԱՄՆ-ը հնարավորություն չի տա Ադրբեջանին ռազմական օգնություն ստանալ, որն ուղղվելու է Հայաստանի և Արցախի դեմ: Միջազգային հանրությունը պետք է ուշադրություն դարձնի և հենց հիմա դիվանագիտական ու քաղաքական միջոցներ ձեռնարկի՝ կանխելու ավելորդ էսկալացիան և մարդկային կորուստները:
Ես Հայաստանի հետ եմ ու աղոթում եմ նրանց համար, որոնք կանգնած են սահմանին այդ լարվածության մեջ: Ես կոչ եմ անում համավարակի այս բարդ շրջանում իրավիճակը խաղաղաղությամբ կարգավորել:
Խնդրում եմ, կոչ արեք ձեր սենատորներին և ներկայացուցիչներին՝ աջակցելու Հայաստանին»,- ասված է Քարդաշյանի թվիթերյան գրառման մեջ:
Comment here
Դուք պետք է մուտք գործեք՝ մեկնաբանությունը ուղարկելու համար։