ԵՊՀ Սարգիս և Մարի Իզմիրլյանների անվան գրադարանի նախասրահում նոյեմբերի 11-ին մեկնարկել է «Քիմիան արտադրությունում 2019» խորագրով եռօրյա ցուցահանդեսը, տեղեկանում ենք ԵՊՀ կայքից։
Նոյեմբերի 11-13-ն անցկացվող ցուցահանդեսը կազմակերպվել է ԵՊՀ քիմիայի ֆակուլտետի ուսանողների և երիտասարդ գիտնականների նախաձեռնությամբ։
Ցուցադրությանը ներկայացված են 4-րդ կուրսի ուսանողներ Վլադիմիր Վարդապետյանի և Աստղիկ Գրիգորյանի կողմից աճեցված բյուրեղները, որոնք արդեն գտել են իրենց կիրառությունը զարդերի մեջ: Աստղիկ Գրիգորյանն ասաց, որ բյուրեղները դրվել են էմալների մեջ, որոնք պատրաստվում են սոճու խեժից: Վլադիմիր Վարդապետյանն էլ տեղեկացրեց, որ այս պահին Ֆրանսիայում գործում է կազմակերպություն, որը, կիրառելով իրենց տեխնոլոգիան, արտադրում է զարդեր:
Քիմիայի ֆակուլտետի ՈՒԳԸ նախագահ Շուշաննա Վարդանյանը ցուցադրությանը ներկայացնում է էկոլոգիապես մաքուր և անվտանգ եղանակով թղթի արտադրությունը, որը, նրա փոխանցմամբ, օգուտ կտա երկրին տնտեսական և էկոլոգիական տեսանկյունից:
Ցուցադրությունը կտեւի մինչեւ նոյեմբերի 13-ը։
Մանրամասները՝ տեսանյութում։
Comment here
Դուք պետք է մուտք գործեք՝ մեկնաբանությունը ուղարկելու համար։