ԱՄՆ-ում այրել են ԱՄՆ-ի դրոշը եւ ջուրը գցել Կոլումբոսի արձանը (տեսանյութ)

ԱՄՆ Մերիլենդ նահանգի Բալթիմոր քաղաքում ցուցարարները պատվանդանից վայր են գցել ու ջուրը նետել Քրիստափոր Կոլումբոսի արձանը, երբ քաղաքում հրավառություն էր ԱՄՆ անկախության օրվա առթիվ։

Ինչպես նշում է տեղի Baltimore Sun-ը, դա քաղաքում Կոլումբոսի 3 արձաններից մեկն էր։

Իսկ Վաշինգթոնում, NBC-ի փոխանցմամբ, նախագահ Դոնալդ Թրամփի տոնական ելույթից հետո բողոքի ակցիայի մասնակիցներն այրել են ԱՄՆ-ի դրոշը՝ վանկարկելով կոչեր ընդդեմ «ստրկության, ցեղասպանության եւ պատերազմի»։

Իրավապահները հեռացրել են ցուցարարներին Սպիտակ տան մոտից։