ԱՄՆ Թենեսի նահանգի Նեշվիլ քաղաքի ծխական դպրոցում մի աղջիկ հրաձգություն է բացել, հայտնում է ABC 7 Chicago-ն։
Միջադեպի հետևանքով զոհվել է 3 աշակերտ ու դպրոցի 3 աշխատակից։ Ոստիկանների կրակոցներից սպանվել է նաեւ հարձակվողը։
«Այս պահին մենք գիտենք, որ հրաձգությունը դեռահաս աղջիկ է բացել։ Նա զինված էր երկու գրոհային հրացաններով և ատրճանակով», — լրագրողներին ասել է ոստիկանության ներկայացուցիչ Դոն Ահարոնը։
Հաղորդվում է, որ հրաձգությունը տեղի է ունեցել պրեսբիտերական քրիստոնյաների ծխական դպրոցում: