Հուլիսի 6-ին, ժամը 22։58-ին Շիրակի մարզային ճգնաժամային կառավարման կենտրոն ահազանգ է ստացվել, որ Հացիկ-Մայիսյան ավտոճանապարհին տեղի է ունեցել ՃՏՊ, տեղեկացնում են Արտակարգ իրավիճակների նախարարությունից:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Հացիկ-Մայիսյան ավտոճանապարհին «GAZ-53» մակնիշի բեռնատարը դուրս է եկել ճանապարհի երթևեկելի հատվածից և բռնկվել։ Տուժածներ Մ․ Մ․-ն (ծնված 2006 թ․) և Կ․ Մ․-ն (ծնված 2007 թ․) տարբեր աստիճանի այրվածքներով հոսպիտալացվել են «Գյումրու մոր և մանկան ավստրիական հիվանդանոց», իսկ Ա․ Մ․-ն (ծնված 1994 թ․)՝ Գյումրի քաղաքի ԲԿ։
Հրդեհը մեկուսացվել է ժամը 23։05-ին, մարվել՝ 23։43-ին։ Այրվել են «GAZ-53» մակնիշի բեռնատարի դիմային հատվածը և խցիկը:
