ԳլխավորԼուր

Այսօրվանից կարելի է անձնական օգտագործման համար մինչև 5 անուն դեղ ներմուծել ՀՀ

Այսօրվանից քաղաքացիները կարող են անձնական օգտագործման համար տարեկան մեկ անգամ մինչև 5 անուն դեղ` յուրաքանչյուրից երեքական սպառողական փաթեթ, առանց հավաստագրի ներմուծել Հայաստան: Դրանից ավելի դեղաքանակի համար արդեն պետք է դիմել առողջապահության նախարարություն, տեղեկացնում են ԱՆ լրատվական ծառայությունից:

Օգոստոսի 6-ին կառավարությունն ընդունել է 28.02.2019 թվականի թիվ 202-Ն որոշման մեջ լրացումներ կատարելու մասին որոշումը, ըստ որի` անձնական օգտագործման դեղերի քիչ քանակության ներմուծման դեպքում անհրաժեշտ չի լինի առողջապահության նախարարության թույլտվությունը:

Այսպիսով` փոխադրող կազմակերպությունների կողմից կամ միջազգային փոստային փոխադրումներով ֆիզիկական անձի անունով ներմուծվող անձնական օգտագործման դեղերը` առանց հավաստագրի կարող են ներմուծել առանց առողջապահության նախարարության հատուկ թույլտվության` տարվա ընթացքում մեկ անգամ «մինչև 5 անվանում, յուրաքանչյուրից` երեքական սպառողական փաթեթ» քանակով:

Ներմուծման ժամանակ նախարարության թույլտվությունը պարտադիր է, եթե սահմանված քանակները գերազանցվում են: Այս դեպքում թույլտվությունը տրվում է գործող կարգի 49-52-րդ կետերի համաձայն` անհրաժեշտ փաստաթղթերի առկայության դեպքում:

Նշենք, որ կարգն ուժի մեջ է մտնում պաշտոնական հրապարակման օրվան հաջորդող 10-րդ օրը:

Comment here