2020 թվականի հուլիսի 8-ին, ժամը 17:00-ին «ՆՈՐՏԵԽՇԻՆ» սահմանափակ պատասխանատվությամբ ընկերության կողմից կիրականացվեն Երևանի Արշակունյաց 9/2 հասցեում տեղակայված «Ձյունիկ սառնարան» սահմանափակ պատասխանատվությամբ ընկերության շենքի պայթեցման եղանակով փլեցման աշխատանքներ։
Պայթեցման աշխատանքների ընթացքում բնակչության անվտանգությունն ապահովելու համար ժամը 16:30-ից մինչ 17:30-ն ընկած ժամանակահատվածում Ագաթանգեղոսի փողոց — Գրիգոր Լուսավորչի փողոց, Ագաթանգեղոսի փողոց — Արշակունյաց պողոտա — Քրիստափորի փողոց, Քրիստափորի փողոց — Սևանի փողոց — Արշակունյաց պողոտա հատվածներում կսահմանափակվեն ճանապարհային երթևեկությունն ու բնակչության տեղաշարժը։
Արտակարգ իրավիճակների նախարարության փրկարար ծառայության Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ և շտապօգնության մեկ բրիգադ կիրականացնեն հերթապահություն։
Հիշեցնենք, որ պայթեցման աշխատանքները նախատեսված էին հուլիսի 1-ին, սակայն հետաձգվել էին՝ տեխնիկական պատճառներով։
Comment here
Դուք պետք է մուտք գործեք՝ մեկնաբանությունը ուղարկելու համար։