Տաջիկստանի Հանրապետության կառավարությանն առընթեր Երիտասարդության հարցերի և սպորտի կոմիտեն օգոստոսի 26-28-ը Դուշանբեում կազմակերպում է «Լավագույն երիտասարդական ձեռնարկատիրական նախագծեր» միջազգային համաժողովը, տեղեկացնում են ԿԳՄՍՆ-ից։
Համաժողովի նպատակն է ԱՊՀ անդամ երկրների տարածքում երիտասարդական ձեռնարկատիրության ոլորտում համագործակցության խթանումն ու զարգացումը, երիտասարդ ձեռնարկատերերի միջև փորձի փոխանակումը, ինչպես նաև լավագույն ստարտափ ընկերությունների բացահայտումը:
Համաժողովի մասնակիցները հնարավորություն կունենան ներկայացնելու իրենց ստարտափ ընկերությունները՝ նշելով հիմնական նպատակները, առավելություններն ու նախագծերի նորարարությունը: Համաժողովը տեղի կունենա հիբրիդային եղանակով՝ հեռավար և առկա ձևաչափերի համադրությամբ: Ընտրված մասնակիցների կեցության և սննդի ծախսերը հոգում է հրավիրող կողմը, իսկ տրանսպորտային ողջ ծախսերը՝ մասնակիցները:
Համաժողովի մասնակցության հայտերն անհրաժեշտ է ուղարկել youth@escs.am էլեկտրոնային հասցեին մինչև օգոստոսի 25-ը: Հավելյալ տեղեկատվության համար զանգահարել` 010 599 641 հեռախոսահամարով:
Comment here
Դուք պետք է մուտք գործեք՝ մեկնաբանությունը ուղարկելու համար։