Ֆրանսահայ նշանավոր նկարիչ Գառզուն (Գառնիկ Զուլումյան, 1 հունվարի, 1907 – 12 օգոստոսի, 2000) ասում էր. «Ես իմ տառապած ժողովրդի մի բեկորն եմ, իմ բոլոր գործերի մեջ անշուշտ հայ կմնամ»։
1938 թ. Փարիզում կայացավ Գառզուի գործերի առաջին ցուցադրությունը։
Մանոսք քաղաքում կա նրա թանգարանը՝ «Գառզուի մատուռ» անունով, նա Ֆրանսիայի «Պատվո լեգեոնի» շքանշանի ասպետ է։
1966 թ.-ին իր տիկնոջ հետ առաջին անգամ Գառզուն այցելում է Հայաստան և հայրենիքում կազմակերպում «Ապոկալիպսիս», «Երկրային դրախտ», «Պրովանս», «Ամառային լույս» վիմագրական շարքերից կազմված անհատական ցուցահանդեսը։
Նկարչի գործերից ցուցադրված են Հայաստանի ազգային պատկերասրահում։
