Մարտի 27-ին Երևանի «Զեյթուն» մշակութային կենտրոնում տեղի ունեցավ երգչուհի Աննա Խաչատրյանի և «Ակապելլա» վոկալ խմբի համերգը։
Միջոցառման ընթացքում տեսահոլովակներով ներկայացվեցին ոչ միայն Աննա Խաչատրյանի երաժշտական ուղին, այլ նաև «Ակապելլա» վոկալ խմբի ստեղծման պատմությունը և երգչուհու հետ նրա ճակատագրական հանդիպումը։
Միջոցառման հատուկ հյուրն էր կլառնետահար Եղիշե Գասպարյանը, ով էլ ավելի լիցքեր տվեց երեկոյի դրական մթնոլորտին։
«Զեյթուն» մշակութային կենտրոնի տնօրեն Դիանա Շմավոնյանի խոսքով` նման միջոցառումները հրաշալի հարթակ են տալիս կենտրոնի սաներին իրենց տաղանդը դրսևորելու համար։