Մայիսի 10-ի լույս 11-ի գիշերը մերձմոսկովյան Կրասնոգորսկ քաղաքի «Երկրորդ տուն» կոչվող տարեցների եւ հաշմանդամների կացարանում հրդեհ է բռնկվել, տեղեկացնում է ՏԱՍՍ-ը։ Արտակարգ իրավիճակների նախարարությունը հայտնել է 9 զոհի մասին (այլ տվյալներով՝ 10)։ Տարբեր աստիճանի վնասվածքներ է ստացել 9 մարդ։ Ընդհանուր առմամբ կացարանում եղել է 37 մարդ, որից 8-ը՝ աշխատակազմի անդամներ։
Հրդեհի օջախը եղել է երկրորդ հարկում։ Նախնական տվյալներով՝ հրդեհի պատճառ է դարձել անսարք ջրատաքացուցիչը։
Երկհարկանի շինությունը մասնավոր սեփականություն է, որտեղ տարեցների կացարան բացվել է առանց համապատասխան փաստաթղթերի։
Իրավապահները փնտրում են շինության սեփականատիրոջը։
Comment here
Դուք պետք է մուտք գործեք՝ մեկնաբանությունը ուղարկելու համար։