Փետրվարի 10-ին, ժամը 09.40-ին, ՆԳՆ ՓԾ ճգնաժամային կառավարման ազգային կենտրոնի 911 ահազանգման կենտրոն ահազանգ է ստացվել Երևան քաղաքի Թբիլիսյան խճուղու 47/2 հասցեում գտնվող պահեստային տարածքում հրդեհի բռնկման վերաբերյալ, հայտնում են ՆԳՆ փրկարար ծառայությունից:
Ժամը 09.41-ին դեպքի վայր են մեկնել Երևան քաղաքի փրկարարական վարչության հրշեջ-փրկարարական ջոկատներից մարտական հաշվարկներ (որոնց թիվն աստիճանաբար հասել է 16-ի- խմբ.)։ Դեպքի վայր է մեկնել նաև ՆԳՆ փրկարար ծառայության ղեկավարությունը՝ տնօրեն-ՆԳ նախարարի տեղակալ, փ/ծ գնդապետ Կամո Ցուցուլյանի գլխավորությամբ:
Ձևավորվել է օպերատիվ շտաբ։ Պարզվել է, որ հրդեհը բռնկվել է 6000 քմ պահեստային շինությունում. տուժածներ չկան։ Հրդեհը մեկուսացվել է ժամը 13.00-ին։
Նախնական տվյալներով՝ մոտ 6000 քմ ընդհանուր պահեստային տարածքում այրվել է 5000 քմ հատվածը՝ պահեստավորված ապրանքներով: Կանխվել է հրդեհի հետագա տարածումը, իրականացվել է պահեստավորված գույքի տարհանում։
Հրդեհաշիջման աշխատանքները շարունակվում են:
![Հրդեհ Երեւանում](https://www.usanogh.am/wp-content/uploads/2024/02/hrdeh-pahest11.jpg)
![Հրդեհ Երեւանում](https://www.usanogh.am/wp-content/uploads/2024/02/hrdeh-pahest22.jpg)