Օգոստոսի 31-ին, ժամը 09։22-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել «Երևան» տոնավաճառի 1-ին հարկում։ Տեղեկությունը հայտնում են Արտակարգ իրավիճակների նախարարությունից։
Հրդեհի բարդության «Թիվ 2» կանչով դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ։
Պարզվել է, որ հրդեհը բռնկվել է Սմբատ Զորավարի փողոցի թիվ 11/1 հասցեում գտնվող սուրճի արտադրամասի երկրորդ հարկում։
Հրդեհը մեկուսացվել է ժամը 09։56-ին, մարվել՝ 10։16-ին։ Արտադրամասում այրվել են երկու սրճաղաց, սուրճ և շաքարավազ։
Comment here
Դուք պետք է մուտք գործեք՝ մեկնաբանությունը ուղարկելու համար։