ԱՄՆ-ի Կալիֆոռնիայի նահանգում բնական հրդեհների զոհերի թիվը հասել է 5-ի, տեղեկացնում է ՏԱՍՍ-ը։ Ավելի վաղ նշվում էր 2 զոհի մասին՝ հրդեհաշիջման աշխատանքներին մասնակցող ուղղաթիռի օդաչուն եւ Pacific Gas and Electric ընկերության աշխատակիցը։
Տուժածների թիվը հասել է 30-ի, 2 մարդ համարվում է անհետ կորած։
Ավելի քան 125 հազար հեկտար տարածություն ընդգրկած հրդեհները ոչնչացրել են ավելի քան 170 շինություն։ Տարահանվել է շուրջ 100 հազար մարդ։
Վերջին մի քանի օրում արձանագրվել է կայծակի շուրջ 11 հազար հարված, որը հանգեցրել է հրդեհների 367 նոր օջախների առաջացման:
Կրակի դեմ պայքարում է շուրջ 10 հազար հրշեջ: Նահանգում արտակարգ դրություն է հայտարարվել։
Comment here
Դուք պետք է մուտք գործեք՝ մեկնաբանությունը ուղարկելու համար։