Օգոստոսի 21-ին հանդիսավորությամբ նշված Կապանի օրը առանձնացել է նոր վերանորոգված՝ Կապանի արվեստի թանգարանի հանդիսավոր բացման արարողությամբ, որը կյանքի կոչվեց պետություն-համայնք համագործակցության արդյունքում։ Տեղեկությունը հայտնում են Կապանի համայնքապետարանից։
Պաշտոնական բացման պատիվը տրվել է համայնքի ղեկավար Գևորգ Փարսյանին։
Հյուրերը շրջել են սրահներում, ծանոթացել թանգարանում պահպանվող և ցուցադրվող արվեստի բացառիկ նմուշներին:
Օրվա կապակցությամբ թանգարանում ցուցադրության էին հանվել կապանցի գեղանկարիչներ Բորիկ Մինասյանի, Նարեկ Մինասյանի, Ռուբեն Կոստանդյանի (Ուբակ), Հրանտ Դանիելյանի, Անդրեաս Օհանջանյանի, Վահրամ Խաչատրյանի, Լեռնիկ Առաքելյանի և այլոց աշխատանքները։
Comment here
Դուք պետք է մուտք գործեք՝ մեկնաբանությունը ուղարկելու համար։