Մեծ Բրիտանիայում հրկիզում են բջջային հեռախոսների աշտարակները (տեսանյութ)

Մեծ Բրիտանիայում անհայտ անձինք հրկիզել են բջջային հեռախոսների առնվազն 20 աշտարակ, տեղեկացնում է euronews-ը։

Բրիտանական լրատվամիջոցների հաղորդմամբ՝ պատճառը տարածված լուրերն են այն մասին, թե իբր 5G-ն նպաստում է COVID-19 վարակի տարածմանը կամ առնվազն ազդում է վարակվածների ախտանիշների վրա:

Բջջային օպերատորների ներկայացուցիչները հերքում են որեւէ կապի առկայությունը 5G-ի եւ կորոնավիրուսի տարածման միջեւ եւ նշում, որ այդպիսի լուրերը տարածում են, այսպես կոչված, «Մեծ դավադրության տեսության» կողմնակիցները, իսկ օրինակ «Յութուբն» ու «Ֆեյսբուքը» այդպիսի բովանդակությամբ տեքստերն ու տեսանյութերը հեռացնում են՝ համարելով  ապատեղեկատվություն։