ԳլխավորԼուր

Տեղ համայնքի մոտ թշնամու զինվորներն իջել են դիրքերից և արգելել խոտհավաքը

Տեղ համայնքի վարչական տարածքի «Անդրուն քարեր» դաշտամասից, որը գտնվում է Տեղ–Արավուս-Խնածախ բնակավայրերի վարչական տարածքների հատման կետում, մի փոքր վերև թշնամին դիտակետեր ունի։ Տեղ գյուղի բնակիչները հունիսի 26-ին գնացել են նշված տարածք՝ հավաքելու հնձած խոտը, սակայն թշնամու զինվորները իջել են դիրքերից և արգելել խոտհավաքը։ Այս մասին տեղեկացնում են Տեղի համայնքապետարանից։

Առավոտյան Տեղ համայնքի ղեկավարին են դիմել մի խումբ բնակիչներ, ներկայացրել իրավիճակը և տեղեկացրել որ տեխնիկան չի կարողանում մտնել տարածք։ Ներսես Շադունցը Առաջին բանակային կորպուսի հրամանատարական կազմի, Արավուսի վարչական ղեկավարի և փորձառու կամավորականների հետ գնացել է դաշտամաս ու հսկել բերքահավաքը։

«Դաշտից բերքն ամբողջությամբ հանելուց հետո է միայն մեր ղեկավարությունը հեռացել տարածքից»,-նշված է հաղորդագրության մեջ։

Comment here