Տղամարդու վարվեցողության մի քանի մոռացված կանոններ

1. Փողոցում տղամարդը պետք է քայլի կնոջ ձախ կողմից։ Աջից կարող են քայլել միայն զինվորականները, որոնք պետք է պատրաստ լինեն աջ ձեռքով զինվորական պատիվ տալու։

2. Հարկավոր է բռնել կնոջ արմունկից, եթե նա ետ է քաշվում կամ սայթաքում է։ Մնացած բոլոր դեպքերում տղամարդու ձեռքը բռնել թե ոչ՝ կինն է որոշում։

3. Կնոջ ներկայությամբ կարելի է ծխել միայն նրանից թույլտվություն ստանալուց հետո։

4. Շենք մտնելիս եւ շենքից դուրս գալիս տղամարդը բացում է դուռը կնոջ առջեւ, ապա հետեւում նրան։

5. Աստիճաններով բարձանալիս կամ իջնելիս տղամարդն ապահովագրում է կնոջը՝ համապատասխանաբար 1-2 աստիճան նրանից ետ կամ առաջ քայլելով։

6. Վերելակ առաջինը տղամարդն է մտնում, իսկ դուրս գալիս առաջ է թողնում կնոջը։

7. Ավտոմեքենայից առաջինը տղամարդն է իջնում եւ շրջացնելով ավտոմեքենան՝ բացում է դուռը եւ օգնում իջնել կնոջը։ Եթե երկուսնէլ ուղեւոր են՝ նստում են ետեւի նստատեղին, առաջինը նստում է կինը։

8. Մտնելով սենյակ (սրահ)՝ տղամարդը պետք է օգնի կնոջը՝ հանել արտահագուստը, դուրս գալիս մատուցում է այն։

9. Ընդունված է, որ տղամարդը չի նստում կանգնած կանանց ներկայությամբ (նաեւ հասարակական տրանսպորտում)։

10. Տղամարդը ոչ միայն չպետք է ուշանա կնոջ հետ հանդիպումից, այլեւ պետք է մի քանի րոպե շուտ գա։ Չնախատեսված դեպքերում պետք է զանգել եւ զգուշացնել։

11. Ցանկացած տարիքի ցանկացած կնոջ պետք է օգնել՝ խոշոր առարկաները կամ ծավալուն պայուսակները վերցնելով։ Դրանց մեջ չեն մտնում կանացի պայուսակները, թեթեւ մուշտակը կամ արտահագուստը, բացառությամբ այն դեպքերի, եթե կինը վատ ինքնազգացողության պատճառով ի վիճակի չէ այդ անել։

12. Խոսակցության ժամանակ տղամարդը չպետք է թեւերը խաչի կրծքին կամ ձեռքերը գրպանը դնի։ Չարժե նաեւ ձեռքի մեջ տարբեր իրեր խաղացնել. Դա համարվում է անհարգալից վերաբերմունք դիմացինի նկատմամբ։

13. Տղամարդը միշտ առաջինն է մտնում ռեստորան. ամենագլխավոր պատճառը՝ սրահի մենեջերը նաեւ դրանով է որոշում, թե ով է այցելության նախաձեռնողը եւ ով պետք է վճարի։ Սակայն եթե մուտքի մոտ նրանց դիմավորում է դռնապանը, տղամարդը զիջում է ճանապարհը կնոջը, ապա հետեւում նրան։