«Ինչպե՞ս գնահատել դիմորդներին. հայտի և գիտելիքի գնահատման խնդիրը». քննարկում (ուղիղ)

Արդեն մի քանի օր է, ինչ բուհեր չընդունված դիմորդներն ու նրանց ծնողները բողոքի ակցիա են իրականացնում` դժգոհելով ընդունելության քննությունների արդյունքներից, գնահատման համակարգից ու կրթական գերատեսչության նոր մոտեցումից։

Կրթական համակարգում այս տարի փոխվել է ընդունելության քննությունների արդյունքների ամփոփման կարգը՝ նախապատվությունը տալով այս կամ այն մասնագիտությունը առաջին հայտով նշածներին, այլ ոչ թե դիմորդների բարձր գնահատականին: Համեմատաբար բարձր գնահատականներ ստացած, բայց նոր կարգի պատճառով բուհ չընդունված դիմորդները նշում են, որ նոր մոտեցմամբ ավելի ցածր միավորներ հավաքած դիմորդն ավելի բարձր հնարավորություններ ունի, քան բարձր միավորներ ստացածը:

Ծնողների խոսքով ընդհանուր առմամբ խոսքը 730 (739-խմբ.) դիմորդի մասին է, որոնք տուժել են ԳԹԿ-ի պատճառով: ՄԻՊ գրասենյակ արդեն իսկ կոլեկտիվ դիմում են ներկայացրել 56 քաղաքացիներ: Բացի այդ, ՄԻՊ գրասենյակում ստացել են նաեւ ընդունելության քննություններին առնչվող 13 անհատական բողոք:

Ընդունելության քննությունների շուրջ ծագած խնդիրները՝ «Հոդված 3» ակումբի` «Ինչպե՞ս գնահատել դիմորդներին. հայտի և գիտելիքի գնահատման խնդիրը» թեմայով կազմակերպած տեսաքննարկման ժամանակ:

Բանախոսներն են Գնահատման և թեստավորման կենտրոնի փոխտնօրեն Կարո Նասիբյանը, ԱԺ «Իմ քայլը» խմբակցության պատգամավոր Սոֆյա Հովսեփյանը, ԱԺ «Լուսավոր Հայաստան» խմբակցության պատգամավոր Աննա Կոստանյանը, կրթության փորձագետ Սերոբ Խաչատրյանը, «Ռեստարտ» ուսանողական քաղաքացիական նախաձեռնության անդամ Տիգրան Ազիզյանը։