Այս տարի՝ դեկտեմբերի 20-ին, «Մեղու 2020» հայերենի մրցույթն առաջին անգամ կանցկացվի առցանց, տեղեկացնում են ԿԳՄՍ նախարարւթյունից։
Մրցույթին մասնակցելու համար անհրաժեշտ է գրանցվել նախապես. դպրոցներում գործընթացն արդեն ավարտվել է, սակայն գործում է նաև առցանց գրանցման հարթակ: Այսպիսով, մասնակիցներն իրենց տնից կարող են մուտք գործել համակարգ և կատարել առաջադրանքները:
«Մեղու» հայերենի մրցույթը նախատեսված է 3-12-րդ դասարանների այն աշակերտների համար, որոնք ցանկանում են ստուգել իրենց գիտելիքները մայրենի լեզվից: Մրցույթն իրականացվում է ՀՀ կրթության, գիտության, մշակույթի և սպորտի, Արցախի Հանրապետության կրթության, գիտության և սպորտի նախարարությունների հովանու ներքո:
Արդեն 2-րդ տարին մրցույթին մասնակցում են նաև սփյուռքի մեր հայրենակից երեխաները:
Մրցույթի անցկացման բոլոր մանրամասները ներկայացվում են «Այբ»-ի մրցույթների ֆեյսբուքյան էջում:
Comment here
Դուք պետք է մուտք գործեք՝ մեկնաբանությունը ուղարկելու համար։