Արցախցի 11-ամյա Եվա Դանիելյանի «Պապիկ-Տատիկ» նկարը, որը նախկինում հանվել էր Երևանի Ա. Տեր-Ղևոնդյանի անվան երաժշտական դպրոցի №1 ցուցահանդեսից, «բարձրացավ» Արարատ լեռան գագաթը։
Արշավի մասնակիցների խոսքով՝ իրենց նախաձեռնությունը պատասխան էր այն պատմությանը, որը լայն հասարակական արձագանք էր առաջացրել Հայաստանում։ Եվայի աշխատանքը, որը նվիրված էր Արցախ վերադարձի գաղափարին, չէր թույլատրվել մասնակցել դպրոցական ցուցահանդեսին։
Արարատի գագաթ բարձրացված նկարը խորհրդանշում է, որ գոյություն ունեն արժեքներ, որոնք վեր են ցանկացած արգելքից՝ հիշողությունը, հայրենի հողի հանդեպ սերը և ստեղծագործական ազատությունը, նշել են ակցիայի կազմակերպիչները։
Հուլիսին տեղի ունեցած դեպքը լայն հասարակական արձագանք ստացավ. Եվայի՝ արցախյան «Մենք ենք, մեր սարերը» («Պապիկ-Տատիկ») հուշարձանը պատկերող աշխատանքը հանվել էր ցուցահանդեսից։ Դպրոցի վարչակազմը իր որոշումը հիմնավորել էր նրանով, որ աշխատանքը չի համապատասխանում ցուցահանդեսի թեմային։ Աղջկա ուսուցչուհին աշխատանքից ազատվելու դիմում էր ներկայացրել՝ հայտարարելով, որ չի կարող աշխատել մի դպրոցում, որտեղ մանկական ստեղծագործությունը գնահատվում է որպես «հակապետական քայլ»։
Այս դեպքից հետո Եվայի նկարը աճուրդի էր հանվել։ Այն 1800 դոլարով գնել էր Մոսկվայում բնակվող արցախցի Գայանե Աղաբեկյանը։
Մեր տելեգրամյան ալիքը՝ t.me/usanoghnews
