Երևանյան 17 դպրոցում և 2 առևտրի կենտրոնում ահաբեկչության նախապատրաստման մասին համացանցում այսօր առավոտվանից ակտիվորեն տարածվում է մի հաղորդագրություն։
Մեդիափորձագետներ Արթուր Պապյանն ու Սամվել Մարտիրոսյանը գրում են, որ դա ֆեյք լուր է:
Իրավապահներն ամեն դեպքում ստուգումներ են ացկացնում ու փորձում գտնել կեղծ լուրի հեղինակին:
Երևանի քաղաքապետի մամուլի խոսնակ Հայկ Կոստանյան էլ հայտնել է, որ Երևանի քաղաքապետարանի ենթակայությամբ գործող հիմնական դպրոցներում դասապրոցեսը ընթանում է բնականոն հունով, որոշ դպրոցներում ծնողներն իրենց նախաձեռնությամբ երեխաներին տարել են տուն։ «Տելեգրամ» ալիքներով տարածվող տեղեկատվությունն ուսումնասիրվում է իրավապահների կողմից:
ԿԳՄՍ նախարար Ժաննա Անդրեասյանն էլ հայտարարել է,որ խուճապի կարիք չկա, իրավապահները ստուգում են տեղեկությունները։