2024 թվականի մարտի 21-ին տեղի ունեցավ «Ակադեմիական քաղաք» ծրագրով նախատեսված ՀՀ պետական բուհերի խոշորացման և գիտահետազոտական կազմակերպությունների հետ ինտեգրման գործընթացի շրջանակներում ձևավորված Դասական աշխատանքային խմբի առաջին նիստը։
Հանդիպմանը հրավիրված էին ներքոնշյալ բուհերի և գիտահետազոտական կազմակերպությունների ներկայացուցիչները՝
- Ա․ Թախտաջյանի անվան բուսաբանության ինստիտուտ
- Երևանի պետական համալսարան
- Հայաստանի պետական տնտեսագիտական համալսարան
- ՀՀ ԳԱԱ Մ. Քոթանյանի անվան տնտեսագիտության ինստիտուտ
- ՀՀ ԳԱԱ Արևելագիտության ինստիտուտ
- ՀՀ ԳԱԱ Գիտակրթական միջազգային կենտրոն
- ՀՀ ԳԱԱ Հ. Աճառյանի անվան լեզվի ինստիտուտ
- ՀՀ ԳԱԱ Մ. Աբեղյանի անվան գրականության ինստիտուտ
- ՀՀ ԳԱԱ Մաթեմատիկայի ինստիտուտ
- ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտ
- ՀՀ պետական կառավարման ակադեմիա
- ՀՀ Ա. Ի. Ալիխանյանի անվան ազգային գիտական լաբորատորիա
- ՀՀ ԳԱԱ Մեխանիկայի ինստիտուտ
Հանդիպման օրակարգի հաստատումից հետո ԲՈՒՀ-երի և գիտահետազոտական կազմակերպությունների ներկայացուցիչները կիսեցին Դասական կլաստերի վերաբերյալ իրենց պատկերցումները և առաջարկությունները։ Մասնակիցների կողմից կարևորվեց ապագա կլաստերի շրջանակում փոխգործակցությունը։ Մասնակիցների կողմից հնչեցին տարբեր կարծիքներ կլաստերի կառուցվածի, կառավարման մոդելի և ինտեգրման գործընթացի վերաբերյալ։
Նշվեց նաև, որ համապատասխան աշխատանքային խմբերի աշխատանքները կրելու է երկարաժամկետ բնույթ, ինչի կապակցությամբ առաջարկվեց առավել մանրամասն հարցերը դիտարկել հետագա հանդիպումների ընթացքում։
Հավելենք՝ Հայաստանում նախատեսված են բուհական կրթության 6 ուղղություններ՝ Արվեստների, Կրթական, Բժշկական, Դասական, Տեխնոլոգիական, Սպայական։