ԱՄՆ փոխնախագահ Ջեյ Դի Վենսը Ծիծեռնակաբերդի հուշահամալիրում տիկնոջ՝ Ուշա Վենսի հետ հարգանքի տուրք է մատուցել Հայոց ցեղասպանության զոհերի հիշատակին։
Վենսը ծաղկեպսակ է դրել Ցեղասպանության զոհերի հիշատակը հավերժացնող հուշարձանի մոտ, այնուհետև ծաղիկներ խոնարհել անմար կրակի մոտ։
Ապա նա գրառում է կատարել Հայոց ցեղասպանության թանգարանի պատվավոր հյուրերի հուշամատյանում.
«Կորցրած կյանքերի հանդեպ խորին հարգանքի հիշատակով մենք պատվում ենք հայ ժողովրդի տոկունությունն ու անսասան ոգին։ Թող Ամերիկան և Հայաստանը միասին ձգտեն ապագայի, որտեղ խաղաղություն է և փոխըմբռնում»:
Այցի ավարտին Հայոց ցեղասպանության թանգարան-ինստիտուտի տնօրեն Էդիտա Գզոյանը Ջեյ Դի Վենսին է փոխանցել Հայոց ցեղասպանության և Արցախի (Լեռնային Ղարաբաղ) հիմնախնդրի մասին գրքեր:
ԱՄՆ փոխնախագահը պաշտոնական այցով Հայաստան է ժամանել փետրվարի 9-ին Միլանից (Իտալիա), որտեղ ընտանիքի հետ հետևում էր Ձմեռային օլիմպիական խաղերին։
Մեր տելեգրամյան ալիքը՝ t.me/usanoghnews
