Թուրքիայի արտաքին գործերի նախարար Մևլութ Չավուշօղլուն Ուրուգվայում ծաղրել է Հայոց ցեղասպանության տարելիցին նվիրված ակցիայի հայազգի մասնակիցներին։
Նա ավտոմեքենայի պատուհանից ժպիտով ձեռքով ցույց է տվել թուրքական ազգայնական «Գորշ գայլեր» կազմակերպությունը խորհրդանշող ժեստը, իսկ փողոցում հավաքված նրան ողջունողները ծափահարել են ի պատասխան։
Տեսանյութը հրապարակել է թուրքական Middleeasteye-ի թուրք թղթակից Ռագըփ Սոյլուն։
«Գորշ գայլեր» կազմակերպությունը ստեղծվել է 1948 թվականին՝ Թուրքիայի Ազգային գործողության կուսակցության հովանու ներքո, դավանում է պանթուրքիստական և նեոֆաշիստական գաղափարախոսությունները։
Կազմակերպության գրոհայինները մեղադրվում են մի շարք սպանությունների և ահաբեկչական գործողությունների, այդ թվում՝ Հռոմի Պապ Հովհաննես Պողոս II-ի դեմ մահափորձի մեջ։
«Գորշ գայլերը»` որպես ահաբեկչական ու ազգայնական կազմակերպություն, արգելված է մի շարք եվրոպական երկրներում, այդ թվում`Ֆրանսիայում, Ավստրիայում, Գերմանիայում։
Կազմակերպության գործունեությունն արգելված է նաև ՀԱՊԿ անդամ երկրների տարածքում` ՀԱՊԿ 2016թ-ի ընդունած որոշմամբ։
Հավելենք, որ Ուրուգվայն առաջին երկիրն է, որը ճանաչել է Հայոց ցեղասպանությունը 1965թ.-ին։
Ավելի ուշ հայտնի դարձավ, որ Թուրքիայի արտաքին գործերի նախարար Մևլութ Չավուշօղլուի` Ուրուգվայի հայ համայնքին ուղղված ժեստից հետո այդ երկրի արտգործնախարար Ֆրանսիսկո Բուստիժո Բոնասսոն Թուրքիայի դեսպանին ապրիլի 25-ին կանչել է ԱԳՆ։
El canciller de #Turquía se retira haciendo el gesto de la organización terrorista turca Lobos Grises a los manifestantes armenios.
Un gesto vergonzoso que demuestra el objetivo real de esta visita.
Lamentamos que el @MRREE_Uruguay cobije a quienes reivindican el terrorismo. pic.twitter.com/DDAQ5dd8Gf— ConsejoCausaArmenia (@causaarmeniauy) April 23, 2022
