Երևանում ԱՄՆ դեսպանատնից հայտնում են, որ սկսվել է 2022թ․ հայտերի ընդունումը «Ֆուլբրայթ գերազանց ուսուցման և նվաճումների» (ԳՈՒՆ) ծրագրով։
Այս ծրագիրը հայ մանկավարժներին հնարավորություն կտա իրենց կողմից դասավանդվող առարկաների և դասավանդման մեթոդների վերաբերյալ նոր փորձառություն ձեռք բերել, ինչպես նաև ավելի լավ ճանաչել Միացյալ Նահանգները։
Այս ծրագիրը նախատեսվում է միջնակարգ օղակի ուսուցիչների համար: Ընտրության փուլն հաղթահարած մասնակիցները վեց շաբաթով կուղևորվեն Միացյալ Նահանգներ և այլ երկրներից ժամանած իրենց գործընկերների հետ կմասնակցեն ամերիկյան համալսարաններից մեկում կազմակերպվող մասնագիտական կատարելագործման սեմինարներին։
Մասնակիցները կհետևեն նաև դասապրոցեսին ու իրենց փորձը կներկայացնեն ընդունող համալսարանի և տեղի հանրակրթական դպրոցների մանկավարժներին ու ուսանողներին/աշակերտներին։
Հայտերն ընդունվում են առցանց՝ https://fulbright.irex.org/։
Հայտերի ներկայացման վերջնաժամկետը՝ 23 մարտի, ժամը 23։59։
Մանրամասն տեղեկությունների համար՝ http://www.usa.am/cms/announcements.php։
Հարցերի դեպքում գրեք էլ․ փոստի teayerevan@state.gov հասցեով։