Արցախի նախագահական ընտրությունները չեն հետաձգվում

Արցախի նախագահ Բակո Սահակյանը ապրիլի 12-ին հրամանագիր է ստորագրել երկրում արտակարգ իրավիճակ հայտարարելու վերաբերյալ։ Այն կտևի մինչև մայիսի 12-ը։

Ըստ հրամանագրի՝ վերջերս կորոնավիրուսի վարակի արձանագրված դեպքերը անհրաժեշտություն են առաջացրել նոր լրացուցիչ քայլերի ձեռնարկման և միջոցառումների իրականացման, այդ թվում՝ ապրիլի 14-ին նախագահական ընտրությունների անցկացման ժամանակ։

Հիշեցնենք, որ մարտի 31-ին կայացած ընտրություններից հետո երկրորդ փուլ էին անցել Արայիկ Հարությունյանն ու Մասիս Մայիլյանը։ Վերջինս օրեր առաջ արցախցիներին կոչ էր արել չմասնակցել երկրորդ փուլի ընտրություններին։