Երեկ` հունվարի 23-ին ԱԻ պետական ծառայության փրկարարական ջոկատները որոնողական աշխատանքներ էին իրականացրել Վարանդայի (Ֆիզուլի), Քաշաթաղի հարավային թևում և Մատաղիս շրջաններում, տեղեկացնում են Արցախի Արտակարգ իրավիճակների պատական ծառայությունից։
Աշխատանքների արդյունքում վերադարձրել են ևս 30 զինծառայողի աճյուն, որն ադրբեջանական կողմն է փոխանցել հայկական կողմին՝ չնշելով նրանց գտնվելու վայրը: Մարմիններն անճանաչելի են: Նշանակվել է դատաբժշկական փորձաքննություն նրանց ինքնությունը պարզելու նպատակով:
2021 թվականի նախորդ օրերի համեմատ, երեկ ամենաշատ աճյուններն են հայտնաբերվել:
Որոնողական աշխատանքներին մասնակցում են նաև զոհված կամ անհայտ կորած զինծառայողների հարազատները, ինչպես նաև ռազմագործողություններին մասնակցած կամ տարածքին ծանոթ ուղեկցող-կամավորները:
Նշենք, որ 2020 թվականի նոյեմբերի 13-ից մինչև 2021 թվականի հունվարի 23-ը հայտնաբերվել է 1281 աճյուն:
Փրկարար-որոնողական աշխատանքներն այսօր շարունակվում են Ջրականի (Ջաբրայիլ),Վարանդայի (Ֆիզուլի) և Հադրութի շրջաններում:
Հիշեցնենք, որ Արցախյան 44-օրյա պատերազմում (27.09.2020-09.11.2020) հրադադար է հաստատվել նոյեմբերի 9-ին կնքված եռակողմ հայտարարությամբ։
Մինչ օրս հայկական կողմի զոհերի, վիրավորների, գերիների ու անհետ կորածների թվի վերաբերյալ պաշտոնական տվյալներ չկան։
Փոխվարչապետ Տ. Ավինյանը զոհերի թիվ ԱԺ-ում կառավարության հետ հարցուպատասխանի ժամանակ նշել է առավելագույնը մինչեւ 4 000։
Համացանցային բաց աղբյուրներում նշվում են՝ 5-7 հազար զոհ, 10 հազարից ավելի վիրավոր, մինչեւ 600 անհետ կորած, 120-250 գերի։
Comment here
Դուք պետք է մուտք գործեք՝ մեկնաբանությունը ուղարկելու համար։