Հաքերները արհեստական բանականության միջոցով կարողացել են կեղծել հաճախորդի ձայնը և, մոլորեցնելով բանկի կառավարչին, գողանալ 35 մլն ԱՄՆ դոլար, տեղեկանում ենք «Գիտություն և տեխնոլոգիա» կայքից։
Դեպքը տեղի է ունեցել Արաբական Միացյալ Էմիրություններում․ բանկի կառավարիչին զանգահարել է իրենց վաղեմի հաճախորդը, ով նաև հայտնի ընկերության տնօրեն է և նախկինում պարբերաբար խոսել է կառավարչի հետ։ Տղամարդը ոգևորված տեղեկացրել է, որ իր ընկերությունը պատրաստվում է խոշոր ներդրումներ կատարել, ուստի նրան անհրաժեշտ էր, որ բանկը հնարավորինս արագ թույլատրի 35 միլիոն դոլարի փոխանցում կատարել։ Հաճախորդը հավելել է նաև, որ ներդրումների փաստաթղթավորման օրինականությունը ապահովելու համար նա պայմանագիր է կնքել Մարտին Զելներ անունով փաստաբանի հետ և բանկի կառավարիչը անձամբ կարող է իր և փաստաբանի նամակագրությունը տեսնել իր inbox-ում։ Հաճախորդը հրահանգներ է տվել տարբեր գումարներ փոխանցել օտարերկրյա բանկերի մի քանի հաշիվների` ենթադրաբար գործընկերների ծառայությունների դիմաց վճարումներ իրականացնելու համար:
Բանկի կառավարիչը թույլատրել է բանկային փոխանցումները՝ վստահ լինելով, որ ամեն ինչ օրինական է, սակայն ինչպես պարզվել է ավելի ուշ՝ նա պարզապես զոհ է դարձել մանրամասն մշակված բարձր տեխնոլոգիական խարդախությանը:
Ամբողջությամբ՝ սկզբնաղբյուր կայքում։
Comment here
Դուք պետք է մուտք գործեք՝ մեկնաբանությունը ուղարկելու համար։