Վրաստանի Ներքին գործերի նախարարության սահմանային ոստիկանության աշխատակիցները անցկացրած օպերատիվ-հետախուզական գործողությունների արդյունքում ձերբակալել են օտար երկրի 4 քաղաքացու՝ Վրաստանի պետական սահմանն ապօրինի հատելու մեղադրանքով, տեղեկացնում է «Ալիք Մեդիան»:
Հանցանքը ենթադրում է 4-ից 5 տարվա ազատազրկում:
Մեղադրյալները, սահմանային անցակետը շրջանցելով, Հայաստանի Հանրապետությունից խմբով ապօրինի հատել են Վրաստանի պետական սահմանը: Հետաքննությունն ընթանում է պետական սահմանն ապօրինի հատելու փաստով, Վրաստանի ՔՕ-ի 344-րդ հոդվածի երկրորդ մասի «ա» ենթակետով։
Comment here
Դուք պետք է մուտք գործեք՝ մեկնաբանությունը ուղարկելու համար։