Գրոսմայստեր Հայկ Մարտիրոսյանը հաղթել է աշխարհում ամենաբարձր վարկանիշ ունեցող շախմատիստ Մագնուս Կարլսենին, հայտնում է Հայաստանի շախմատի ֆեդերացիան:
Նշվում է, որ Մարտիրոսյանն ու Կարլսենը մասնակցել են աշխարհի կայծակնային շախմատի առաջնության 14-րդ խաղափուլին:
Խաղը, որում Մարտիրոսյանը խաղում էր սպիտակներով, 69-րդ քայլում ավարտվել է հայ շախմատիստի հաղթանակով: Այս հաղթանակից հետո Մարտիրոսյանը 14 միավորից վաստակել է 10 միավոր և շրջանցել Կարլսենին։
Կադրերում երևում է, թե ինչպես է Կարլսենը խաղաքարերը ցրում խաղատախտակի վրա և սեղմում ժամացույցի կոճակը։ Այս խախտման համար աշխարհի 16-րդ չեմպիոնը տեխնիկական պարտություն է կրել։
Նշենք, որ արագ և կայծակնային շախմատի աշխարհի առաջնությունն անցկացվում է Դոհայում դեկտեմբերի 25-30-ը:
Արագ շախմատի աշխարհի չեմպիոն էր դարձել Մագնուս Կարլսենը, ով 13 հնարավորից վաստակել էր 10.5 միավոր:
Մեր տելեգրամյան ալիքը՝ t.me/usanoghnews
