ՀՀ կրթության, գիտության, մշակույթի և սպորտի նախարարության աջակցությամբ «Ֆիլմ ինդասթրի դևելոփմենթ» ընկերությունը «ՀՀ ազգային հերոս Վահագն Ասատրյանի անվան հերոսների վերականգնողական քաղաք» ՀԿ-ի հետ 2022 թ. ապրիլի 15-ից իրականացնելու է «Կինոդպրոց՝ առանց սահմանների» կրթական ծրագիրը:
Ծրագրի նպատակն է նպաստել երիտասարդների մասնագիտական կողմնորոշմանը, լրացուցիչ և շարունակական կրթությանը կինոարտադրության ոլորտում: Ծրագրին մասնակցությունն անվճար է:
Դասընթացներին կարող են մասնակցել մարտական գործողություններին մասնակցած և այդ գործողություններից ներազդված երիտասարդներ՝ Երևանից և ՀՀ մարզերից:
Ծրագրի շրջանակում նախատեսվում են
⇒ ուսուցում,
⇒ պրակտիկ դասընթացներ,
⇒ ժամանակակից ֆիլմերի դիտում-քննարկում,
⇒ հանդիպում ֆիլմերի ստեղծագործական կազմերի հետ,
⇒ հանդիպում անվանի արվեստագետների հետ,
⇒ ավարտական համատեղ ֆիլմի նկարահանում,
⇒ մասնակցություն այլ ստեղծագործական նախագծերին:
Ուսուցման մասնագիտությունները
⇒ Սցենարիստ
⇒ Ռեժիսոր
⇒ Մոնտաժի ռեժիսոր
Ծրագիրը կիրականացվի երկու փուլով՝
⇒ ապրիլի 15 — մայիսի 30,
⇒ հունիսի 1 — հուլիսի 15:
Իրականացվող դասընթացի հիմնական բաղադրիչներն են՝ համառոտ ծանոթություն կինոյի պատմությանը, կինոլեզվի հիմունքները, ծանոթացում կինոարտադրության գործընթացին՝ սցենարի զարգացում, ֆիլմի նախապատրաստական փուլ, նկարահանման փուլ, հետարտադրական փուլ, դիստրիբուցիա:
Դասընթացներն անցկացնում են կինոարտադրության ոլորտում կայացած և փորձառու մասնագետները: Ծրագրի ավարտին մասնակիցներին տրվում է հավաստագիր, և լավագույն արդյունք ցուցաբերած շրջանավարտներն ընդգրկվում են մասնագիտական նախագծերում՝ ապահովվելով աշխատանքով:
«Կինոդպրոց՝ առանց սահմանների» կրթական ծրագրի առաջին փուլին մասնակցելու համար անհրաժեշտ է մինչև ս/թ ապրիլի 10-ը ծրագրի ֆեյսբուքյան էջին ուղարկել մասնակցության նամակ՝ նշելով մասնակցի անուն-ազգանունը, հեռախոսահամարը: Մասնակցությունը կհաստատվի հետադարձ նամակով։
Մանրամասն ինֆորմացիայի համար կարող եք զանգահարել +374 55 18 94 75 հեռախոսահամարին:
