Արցախում ադրբեջանական հրետակոծության հետևանքով վիրավորված լրագրողներին տեղափոխելու համար շտապ ինքնաթիռ է ուղևորվում Հայաստան։
Այս մասին ուղիղ եթերում քիչ առաջ տեղեկացրեց Ֆրանսիայի նախագահ Էմանուել Մակրոնը։
Նա նշեց, որ այս հարձակումը ոչ մի արդարացում չունի, և որ ինքն այդ մասին ուղիղ ասել է Ալիևին:
Ֆրանսիայի նախագահը նաև հավելեց, որ Ֆրանսիան համապատասխան տեղեկությունների է տիրապետում այն մասին, որ Թուրքիան սիրիացի վարձկանների է ուղարկել հակամարտության գոտի:
Տեղեկացնենք, որ ֆրանսիական «Le Monde» պարբերականի լրագրողները հրետակոծության տակ են ընկել Արցախի Մարտունի քաղաքում։ Կա երկու վիրավոր, երկուսն էլ Ֆրանսիայի քաղաքացի են։
Comment here
Դուք պետք է մուտք գործեք՝ մեկնաբանությունը ուղարկելու համար։