2008 թվականի մարտի 1-ին տեղի ունեցած դեպքերը ցավ են բոլորիս համար. Արմեն Սարգսյան

Հիշեցնենք, որ 2008-ի ՀՀ նախագահական ընտրություններից հետո` փետրվարի 24-ին, ԿԸՀ-ն հայտարարել էր, որ ընտրություններում հաղթել է Սերժ Սարգսյանը։ 1-ին նախագահ Լևոն Տեր-Պետրոսյանի կողմնակիցները բողոքի ակցիաներ սկսեցին (հանրահավաքներ, անժամկետ նստացույց Ազատության հրապարակում, երթեր եւ այլն)՝ պահանջելով ձայների վերահաշվարկ։

Բողոքի ալիքն իր բարձրակետին հասավ մարտի մեկի առավոտյան, երբ իրավապահները հայտարարեցին, որ տվյալներ են ստացել, որ Ազատության հրապարակի վրաններում զենքեր կան ու հրապարակն ազատեցին վրաններից ու ցուցարարներից։

Արդեն երեկոյան Մյասնիկյանի արձանի մոտ հանրահավաքից հետո ցուցարաները շարժվեցին դեպի Բաղրամյան պողոտա։ Չհասած Մաշտոցի պողոտա՝ արդեն «Ձկան խանութի» մոտից երթը վերածվեց անկարգությունների, իսկ Մաշտոցի պողոտայում՝ մի քանի խանութների ու ավտոմեքենաների հրդեհին ու թալանին ու ավերածություններին զուգահեռ՝ բախումներ սկսվեցին իրավապահների ու երթի մասնակիցների միջեւ։

Հարյուրավոր մարդիկ վնասվածքներ ստացան, սպանվեց 10 մարդ, այդ թվում՝ 2 ոստիկան։

Հայաստանում 1 ամսով արտակարգ դրություն հայտարարվեց։