«Երաժշտական և արվեստի դպրոցների համար ուսումնամեթոդական գրականության մշակում և հրատարակում» 2022 թ. ծրագրի շրջանակում ՀՀ կրթության, գիտության, մշակույթի և սպորտի նախարարությունը հայտարարում է երաժշտական, արվեստի, գեղարվեստի և պարարվեստի դպրոցների համար ուսումնամեթոդական ձեռնարկների, դասագրքերի, ժողովածուների տպագրման հայտերի ընդունում:
Հայտերի ներկայացման կարգը.
Հայտատուն յուրաքանչյուր հրատարակության համար ներկայացնում է
— հայտ (ձևաչափը կցվում է),
— նախահաշիվ (ձևաչափը կցվում է):
Ներկայացված նախահաշիվները ենթակա են նախնական ուսումնասիրման և անհրաժեշտության դեպքում՝ վերանայման:
Հայտատուները կարող են հետ ստանալ ներկայացրած բնագրերը տվյալ տարվա ցանկերը հաստատվելուց հետո՝ մեկ ամսվա ընթացքում:
Հայտերն անհրաժեշտ է ներկայացնել մինչև 2022 թ. մարտի 10-ը հետևյալ էլեկտրոնային հասցեով՝ nane.karapetyan@escs.am:
Հարցերի դեպքում դիմել ՀՀ կրթության, գիտության, մշակույթի և սպորտի նախարարության ժամանակակից արվեստի վարչություն, հեռ.՝ (010) 599-631:
