Թուրքիայում փետրվարի 6-ին տեղի ունեցած երկրաշարժի զոհերի թիվը հասել է 14 014–ի (այդ թվում՝ 9 հայ), վիրավորներինը՝ 63 794–ի։ Տեղեկությունը հայտնել է այդ երկրի նախագահ Էրդողանը։
Սիրայի առողջապահության նախարարությունն էլ հայտնում է, որ երկրաշարժի զոհ է դարձել 1250 մարդ, ավելի քան 2000-ը վիրավորվել է։
Հիշեցնենք, որ փետրվարի 6-ին, ժամը 05.17–ին Թուրքիայի Ղահրամանմարաշ գավառում 7,7 մագնիտուդ (ավելի վաղ հայտնում էին 7,4) ուժգնությամբ երկրաշարժ է տեղի ունեցել, որն ավերածությունների է հանգեցրել մի շարք քաղաքներում։
Սիրիայի մի քանի շրջաններում, այդ թվում՝ Հալեպ քաղաքում, նույնպես ավերածություններ են եղել։ Զոհերի թիվը մոտ 2900 է։