Հայաստանի կրթական և սոցիալական ոլորտներում ակտիվ գործունեություն ծավալող «Թադևոսյանս» բարեգործական հիմնադրամը, որի առաջնահերթություններից է երիտասարդների կրթական և մասնագիտական զարգացումը, հայտարարել է ուսման վարձի փոխհատուցման նոր ծրագրի մեկնարկի մասին։
Նախաձեռնությունը միտված է աջակցելու բարձր առաջադիմություն ունեցող և սոցիալական դժվարություններ ունեցող ուսանողներին՝ ապահովելով հավասար հնարավորություններ և խթանելով նրանց մասնագիտական աճը։
Ծրագրի շրջանակում ՀՀ բոլոր բուհերի բակալավրիատի ուսանողների համար կտրամադրվի ուսման վարձի ամբողջական փոխհատուցում։ Այն նախատեսված է հետևյալ մասնագիտությունների համար.
- լրագրություն
- հոգեբանություն
- շուկայագիտություն
- կառավարում
- տվյալագիտություն։
Նախապատվություն կտրվի Արցախյան 44-օրյա պատերազմի մասնակիցների երեխաներին կամ` մասնակիցներին, ովքեր այս պահին ուսանող են։
Մրցութային կարգով կընտրվեն մինչև 35 ուսանող՝ հաշվի առնելով ակադեմիական առաջադիմությունը, սոցիալական վիճակը և մոտիվացիան։ Ընտրված մասնակիցները կստանան ուսման վարձի ֆինանսավորում բակալավրիատի ողջ ընթացքում՝ կիսամյակային վերանայմամբ։
Ծրագիրը ներառում է նաև կամավորական բաղադրիչ․ ուսանողները շաբաթական 10–15 ժամ կներգրավվեն հիմնադրամի կրթական և սոցիալական ծրագրերում՝ ձեռք բերելով նաև գործնական փորձ։
Դիմումների ընդունման ժամկետը սահմանված է 2026 թվականի ապրիլի 30-ից մինչև մայիսի 31-ը։
Մասնակցելու համար անհրաժեշտ է լրացնել առցանց հայտադիմումը՝ նշված հղմամբ։
Այլ հարցերի համար կարող եք կապ հաստատել՝ 08000-00003, «Թադևոսյանս» բարեգործական հիմնադրամ
