«Իզվեստիա» պարբերականը հրապարակել է ուկրաինացի մշակութային գործիչների ցանկը, որոնց 50 տարով արգելվում է մուտք գործել Ռուսաստան։
Ցանկում ընդգրկվել են երգչուհի Սվետլանա Լոբոդան, «Օկեան Էլզի» խմբի մեներգիչ Սվյատոսլավ Վակարչուկը, Անդրեյ Դանիլկոն (Վերկա Սերդյուչկա), «Потап и Настя» ուկրաինական դուետի անդամներ Ալեքսեյ Պոտապենկոն և Անաստասիա Կամենսկիխը և այլք։
Երաժիշտներից բացի, ցուցակում նաև դերասաններ, բլոգերներ և հեռուստահաղորդավարներ կան։
Ավելի վաղ թերթը հայտնել էր, որ 50 տարով արգելվել է նախկին հաղորդավար, բլոգեր Անտոն Պտուշկինի մուտքը Ռուսաստան։
Հիշեցնենք, որ 2022-ի փետրվարի 24-ից Ռուսաստանը հատուկ ռազմական գործողություն է սկսել Ուկրաինայում։