ԳլխավորԼուր

Զորակոչն ու զորացրումը՝ հուլիսի 1-ից

Շարքային կազմի պարտադիր զինվորական ծառայության կամ այլընտրանքային զինվորական ծառայության ամառային զորակոչն այս տարի կանցկացվի 2022թ. հուլիսի 1-ից մինչև օգոստոսի 30-ը ներառյալ։

Համապատասխան որոշում ընդունվեց ՀՀ կառավարության այսօրվա նիստում։

2020թ-ի ամռանը զորակոչվածների զորացրումը կիրականացվի 2022թ. հուլիսի 1-ից մինչև օգոստոսի 30-ը ներառյալ։

Բանակ կզորակոչվեն այն պատանիները, որոնց 18 տարին լրանում է մինչև 2022 թվականի հունիսի 30-ը ներառյալ, ինչպես նաև այն քաղաքացիները, որոնց շարքային կազմի պարտադիր զինվորական ծառայության զորակոչից նախկինում տրված տարկետումը դադարում է մինչև 2022 թվականի հունիսի 30-ը: