«Հայկական նախագիծ / Armenian Project» գիտակրթական ՀԿ-ն հայտարարում է ընդունելություն «Հայկական համալսարան» կրթական ծրագրի 2025-2026 թթ․ ուսումնական տարվա գարնանային հոսքում։ Կրթությունը Հայկական համալսարանում անվճար է։
Դասընթացը նախատեսված է.
- ֆորմալ բուհերի բակալավրիատի, մագիստրատուրայի, ասպիրանտուրայի ուսանողների,
- հայաստանյան հիմնախնդիրներով հետաքրքրված երիտասարդների,
- առանձին դեպքերում նաև՝ միջին և ավագ սերնդի ներկայացուցիչների համար։
Հայկական համալսարանի շրջանավարտն ունենալու է.
- հասարակագիտական և հումանիտար առաջանցիկ գիտելիքներ,
- քաղաքականությունն ինքնուրույն հասկանալու տեսա-կիրառական հմտություններ,
- տրամաբանական, փաստարկային և այլ փափուկ հմտություններ,
- համապատասխան ոլորտների լավագույն մասնագետների հետ համատեղ աշխատելու առիթ և հնարավորություն,
- Հայկական համալսարանի երաշխավորությունն իր ուսումնաաշխատանքային հետագա գործունեության ժամանակ,
- գաղափարակից ընկերների ու գործընկերների ակտիվ շրջանակ,
- ստացած գիտելիքների և հմտությունների շնորհիվ հասարակական նշանակության նախագծերի հղացման և իրականացման հնարավորություն,
- ավարտական կամ մասնակցության վկայական։
Դասընթացին մասնակցելու համար անհրաժեշտ է անցնել ընդունելության երկու փուլերը։ Առաջին փուլին մասնակցելու համար հարկավոր է մինչև հունվարի 31-ը ներառյալ ամբողջությամբ լրացնել պաշտոնական կայքում տեղադրված հայտաձևը։
Մեր տելեգրամյան ալիքը՝ t.me/usanoghnews
