Տրամադրվում են կրթաթոշակներ՝ School International School of Georgia քոլեջում (Թիբիլիսի, Վրաստան) միջազգային բակալավրիատի IB Diploma աստիճանով երկամյա կրթության համար։
Դիպլոմային ծրագիրը իրենից ներկայացնում է երկամյա ուսումնական կուրս` միջազգային բակալավրիատի (IB) չափանիշների պահանջներին համապատասխան, Եվրոպայի և եվրոպական հարցերով մասնագիտացման եզակի հնարավորությամբ:
Աշակերտները հնարավորություն կունենան քննարկել եվրոպական թեմաներ և հիմնախնդիրներ:
Արտադասարանական ակտիվությունները «Նոր դպրոցում» կապահովեն ուսանողների համար փորձի եվրոպական ուղղվածությունը, ինչը հնարավորություն կտա մասնակցելու Եվրամիության պաշտոնատար անձանց և ակադեմիական անձնակազմի մասնակցությամբ միջոցառումների և ընդունելությունների: Նույնպես հնարավոր է կազմակերպվեն կրթական այցեր եվրոպական ինստիտուտներ, Եվրոպայի և բնակչության մասին ուսանողների գիտելիքները խորացնելու նպատակով:
Միջազգային բակալավրիատի դիպլոմային ծրագիրը իրականացվում է «Նոր դպրոցում» (Թբիլիսի, Վրաստան), որը 2010 թվականից հեղինակավորված է IB-ի կողմից և Եվրոպական միության գործընկերն է:
Կրթաթոշակային ծրագիրը ֆինանսավորում է Եվրոպական միությունը:
Կրթաթոշակային ծրագիրը ներառում է՝
-Ուսման ծախսերը 2021/2022 ուսումնական տարվա համար,
-Կացարանի և սննդի ծախսերը Թբիլիսիում,
-Ճանապարհային ծախսերը երկու ուղղությամբ Թբիլիսիի և բնակության վայրի միջև՝
երկու տարվա ընթացքում դպրոցական արձակուրդի ժամանակ.
-Տեղական տրանսպորտով երթևեկության վճար՝ Վրաստանի բանկի անձնական դեբետային քարտի օգտագործմամբ.
-Ծրագրին մասնակցելու համար ուսանողներին հարկավոր կրթական նյութեր և ռեսուրսներ (գրքեր, դյուրակիր համակարգիչներ, հաշվիչներ և սմարտֆոններ ուսման տևողության ժամանակ).
-Մասնակցություն Եվրոպական միության կողմից ֆինանսավորվող սեմինարներին, կոնֆերանսներին, ուսումնական շրջագայություններին և այլ միջոցառումներին.
-Բժշկական ապահովագրություն՝ ներառյալ ատամնաբուժական ծառայություններ։
Կրթաթոշակը շնորհվում է առաջին ուսումնական տարում և մեխանիկորեն շարունակվում երկրորդ ուսումնական տարում՝ ուսանողների առաջադիմության հիման վրա (առաջին տարվա ավարտից հետո): Ուսանողները կարիք չեն ունենա կրկին հայտ ներկայացնել՝ կրթաթոշակ ստանալու համար:
Կրթաթոշակին կարող են դիմել Արեւելյան Գործընկերության երկրների (այդ թվում՝ Հայաստան) միջնակարգ դպրոցի աշակերտ հանդիսացող, միջնակարգ/ավագ դպրոցի նախորդ և ընթացիկ տարիների առաջադիմությամբ (առնվազն 70% GPA միջին գնահատականը), անգլերենի իմացությամբ (B2 և ավելի մակարդակ) երիտասարդներ։
Եվրոպական միության պաշտնական այլ լեզվի իմացությունը կհամարվի առավելություն:
Դիմելու վերջնաժամկետն է փետրվարի 26-ը։
Մանրամասները` այստեղ։
Comment here
Դուք պետք է մուտք գործեք՝ մեկնաբանությունը ուղարկելու համար։