«Սիրելի՛ ուսանող,
Քանի որ դու արդեն հասցրել ես լսել «Ինքնակառավարում» ծրագրի մասին ավագ կուրսեցիներից կամ ծանոթներից, ապա շտապում ենք ուրախացնել, որ այն արդեն իսկ սպասում է քեզ:
Եթե ԵՊՀ բակալավրիատի առաջին կուրսեցի ես, և ցանկանում ես ուսանողական կյանքդ վերածել գունային հրավառության, եթե ցանկանում ես ֆորմալ գիտելիքներին զուգահեռ ձեռք բերել գործնական հմտություններ և հիանալի ընկերներ, ուրեմն քո աստեղային ժամը մոտեցել է:
ԵՊՀ ուսանողական խորհուրդը փետրվարի 10-15-ը կազմակերպում է «Ինքնակառավարում» ծրագրի առաջին փուլը, որի շրջանակներում կլինեն առցանց դասընթաց-քննարկումներ «ԵՊՀ կառավարում և Ուսանողական խորհուրդ», «Ուսանողի իրավունքներ և պարտականություններ» թեմաներով:
Առաջին փուլից հետո կիրականացվի հարցազրույցի փուլ, որի արդյունքում շուրջ 60 ուսանողներ հնարավորություն կունենան մասնակցելու ծրագրի երկրորդ՝ ծաղկաձորյան փուլին (փետրվարի 26-28, Ծաղկաձոր), որի շրջանակներում կիրականացվեն թիմային տարբեր հանձնարարություններ, կրթական խնդիրների քննարկումներ, պրակտիկ հմտությունների զարգացում, ֆասիլիտացիայի հմտություններ և այլ թեմաներով դասընթացներ:
Ծրագրի նպատակը ԵՊՀ առաջին կուրսեցիների շրջանում իրազեկվածության մակարդակի բարձրացումն է ուսանողական ինքնակառավարման հիմնախնդիրների, ԵՊՀ կառուցվածքի և կառավարման, ուսանողական կառույցների վերաբերյալ:
Շտապի՛ր դիմել այս ծրագրին և միացի՛ր մեր ամուր ու խենթ համայնքին:
Հայտերի ընդունման վերջնաժամկետը փետրվարի 9-ն է:
Հ.գ. Եթե դու չես սովորում ԵՊՀ-ում, առաջին կուրսեցի չես, ապա պարզապես մի՛ դիմիր այս ծրագրին, և բարի նախանձով հետևիր դիմողներին: :)»,-տեղեկացնում են ԵՊՀ ուսանողական խորհրդից։
Comment here
Դուք պետք է մուտք գործեք՝ մեկնաբանությունը ուղարկելու համար։