Լեհաստանի Մարիա Գժեգոժևսկայի համալսարանում մեկնարկել է «Children’s Rights and Childhood Studies» (MICRACS) մագիստրոսական ծրագրի հայտերի ընդունելությունը:
Դիմորդները պետք է ունենան բակալավրի որակավորում կրթության, առողջապահության, սոցիալական աշխատանքի, իրավունքի, մշակութային հետազոտությունների կամ սոցիալական գիտությունների ոլորտներում: Կրթական այլ որակավորումներ ունեցող անձինք կարող են դիմել, եթե նրանց մասնագիտական դաշտը զուգորդվում է կրթության, առողջապահության, իրավունքի, սոցիալական և երեխաների խնամքի փորձի հետ:
Դիմորդների՝ երեխաների հետ աշխատանքային փորձը պարտադիր պայման է:
ԵՄ անդամ չհանդիսացող երկրների ուսանողների համար ուսման վճարը կազմում է 19.000 լեհական զլոտի (մոտ 4300 դոլար, ներառյալ գրանցման վճարը):
Հայտերի ներկայացման վերջնաժամկետը 2022 թվականի դեկտեմբերի 31-ն է։
Ծրագրի վերաբերյալ տեղեկությունը հասանելի է հետևյալ հղումով՝ https://bit.ly/3uzCVsT։