Հայաստանի թատերական գործիչների միությունը, Հրազդանի համայնքապետարանը ապրիլի 8-16-ը Հրազդանում կանցկացնեն հանրապետական երիտասարդական թատերական փառատոն:
Փառատոնի շրջանակում կցուցադրվի 11 ներկայացում` Երևանի, Գյումրու, Վանաձորի, Արտաշատի թատրոնների մասնակցությամբ: Ծրագրում ընդգրկվել են այն ներկայացումները, որոնց կամ բեմադրիչն է երիտասարդ, կամ ստեղծագործական կազմի հիմնական դերակատարները:
Փառատոնի նպատակն է աշխուժացնել թատերական կյանքը մարզում, թատերասեր հանրությանը հաղորդակից դարձնել թատերարվեստի զարգացումներին, սևեռել ուշադրությունը դեպի թատրոն:
Փառատոնի ընթացքում տեղի կունենան հանդիպումներ սիրված դերասանների և բեմադրիչների հետ:
Ներկայացումները կցուցադրվեն Հրազդանի Դրամատիկական թատրոն-Մշակութային կենտրոնի բեմում: