Արցախի Մարտունի քաղաքում առայսօր ցուցակագրվել է վնասված 850 տուն պատերազմի ընթացքում հակառակորդի հրետակոծությունների հետևանքով. քաղաքում ընդհանուր առմամբ կա 950 տուն:
«Արմենպրես»-ի հետ զրույցում այս մասին տեղեկացրել է Մարտունու քաղաքային համայնքի ղեկավար Էդիկ Ավանեսյանը։
Հրետակոծության հետևանքով վնասվել են նաև 10 վարչական նշանակության, 9 բազմաբնակարան, 2 դպրոցական, 2 մանկապարտեզի շենք-շինություն, ինչպես նաև՝ շրջկենտրոնի մշակույթի պալատն ու ենթակառուցվածքները:
«Վերականգնման աշխատանքները նախատեսված են փուլերով: Ըստ առաջնահերթության՝ այս փուլում նախատեսվում է վերականգնել 68 տուն: Շինարարական աշխատանքներում ընդգրկված են 10 շինարարական ընկերություն ու կազմակերպություն՝ Հայաստանից ու Արցախից »,-ասել է Ավանեսյանը:
Comment here
Դուք պետք է մուտք գործեք՝ մեկնաբանությունը ուղարկելու համար։