Մարտի 6-ի առավոտյան զինված հարձակում էր տեղի Երևանի «Դալմա Գարդեն Մոլ» առևտրի կենտրոնում։ Երկու տղամարդ մտել էին առևտրի կենտրոնի հագուստի խանութ-սրահներից մեկի գանձապահի սենյակ ու զենքի սպառնալիքով հափշտակել մոտ 2 միլիոն 500 հազար դրամ։
Ոստիկանությունից հայտնում են, որ ավազակությունը կատարելու մեջ կասկածվող անձանց ինքնությունը պարզելուց հետո մարտի 9-ին 27-ամյա երիտասարդները հայտնաբերվել են մայրաքաղաքի Շերամի փողոցում ու բերման ենթարկվել։
Տարածքային քննչական մարմին ներկայացվելուց ու խոստովանական ցուցմունք տալուց հետո երիտասարդները ձերբակալվել են։
Օպերատիվ-հետախուզական միջոցառումներն ու քննչական գործողությունները շարունակվում են գողոնն ու հանցագործության գործիքը հայտնաբերելու ուղղությամբ։