Մահացել է մշակութաբան, «Հայ ասպետ» դպրոցի մշակութաբանության ուսուցիչ Դավիթ Պետրոսյանը։ Այս մասին հայտնում է «Հայ Ասպետ» կրթադաստիարակչական բարեգործական հիմնադրամի հիմնադիր-տնօրեն Կարին Տոնոյանը։
«Ու էլի ցավ, էլի զոհվում է հայի ազնվագույն տեսակը- «Հայ ասպետ» դպրոցի մշակութաբանության ուսուցիչ Դավիթ Պետրոսյանը…… եզակի երիտասարդ, որի լրջությունից անգամ մենք՝ մեծահասակներս էինք ամբողջանում:
Դավիթ ջան, ինչպես դու էիր առեղծված, այնպես էլ մահդ կմնա ինձ համար առեղծված, բայց մի բանում հաստատ համոզված եմ, Հայրենիքի ցավը վերջին օրերին քո մռայլության հիմնական պատճառն էր:
Ներիր, եթե ուշադիր չեղանք ապրումներիդ նկատմամբ, ներիր, թեև ամենադաժան պատիժը տվեցիր մեզ:
Գնա, միացիր տղաներին, քո կռիվը նույն կռիվն էր…»,-նշել է Կարին Տոնոյանը։
Հավելենք, որ Դավիթը 29 տարեկան էր։ Նա ինքնասպանություն է գործել։
Նրա վերջին գրքերից էր «Կարսի 1920 թվականի ինքնասպանները»։
Comment here
Դուք պետք է մուտք գործեք՝ մեկնաբանությունը ուղարկելու համար։